Latest News


2016-10-08
Hoekom doen sommige webwerwe beter as ander op die Internet?


Hoekom is sommige webwerwe meer suksesvol as ander. Hoekom kry ek nie meer besoekers deur soekenjins soos Google nie? Ons word daagliks hierdie belangrike vraag gevra. Voor ons hierdie vraag gaan probeer beantwoord kom ons verduidelik eers hoe werk soekenjins:

 

Soekenjins is webwerwe soos Google, Yahoo en Bing met Google wat by verre die grootste soekenjin is en weer vanjaar naas Apple as die wêreld se mees waardevolste handelsmerk beskou word.

 

Daar is meer as 200 faktore wat soekenjins in ag neem wanneer hulle bepaal watter webwerf sal die meeste voldoen aan ’n internet soek deur ’n gebruiker.

 

Soekenjins verdien advertensie inkomste deur advertensies te verkoop. Hulle verkoop soekwoorde of soekfrases aan die hoogste bieer op ’n gegewe oomblik. Tans word die eerste 4 resultate op die grootste soekenjin, Google afgestaan aan hierdie advertensies waarna organiese soekresultate vertoon word. Sonder om die beste soekresultate hier te vertoon sal soekenjins besigheid aan kompetisie afstaan.

 

Die groot voordeel van advertering by soekenjins is dat jou webwerf aan potensiële kopers vertoon word op die oomblik wanneer hulle spesifiek op soek is na jou produk of diens. (Dit is as jy vir die regte soekwoorde betaal.) Dink byvoorbeeld aan die magdom advertensies wat op baie webwerwe vertoon word terwyl jy byvoorbeeld die koerant lees op die internet. Op’n soortgelyke manier neem die webwerf Faceboek jou demografiese profiel in ag wanneer daar besluit word watter advertensies om aan jou te vertoon. So het ek byvoorbeeld al webwerf ontwerp kliënte gekry wat besig was om Gmail vir hulle epos te gebruik en besig was om met ander voornemende webwerf ontwerpers te gesels toe my betaalde advertensie aan hulle vertoon was. Dit is die krag van betaalde internet advertensies.

 

Ons glo dat webwerwe deur beide Google advertensies en deur organiese soekresulate bemark moet word. Ons poog byvoorbeeld deur hierdie omvattende artikel in Afrikaans oor wat suksesvolle webwerwe onderskei van ander vir die afsienbare toekoms besoekers kan lok wat moontlike kliënte kan word.

 

Ons probeer ’n fyn balans handhaaf deur voldoende inligting te verskaf dog bondig genoeg vir die besige sakeman om vinnig genoeg te kan deurlees. Ons kliënte is besige klein sake eienaars. Soos ons kliënte is ons ook besig. Hierdie artikel kan later gebruik word om ‘n riglyn te gee vir voornemende kliënte wie meer suksesvol met hul webwerwe wil wees.

 

Hierdie artikel word dus nie uitsluitelik geskryf met die doel om internet verkeer deur soekenjins te kry nie maar om nuttige inligting vir ons potensiële en huidige kliënte te verskaf. Die klem van hierdie artikel is hoe om meer suksesvol te wees met jou webwerf.

 

In die eerste plek moet elke besigheid wat hoop om besigheid deur die internet te kry ‘n webwerf kry. Dit is die heel grootste fout wat klein besighede maak (om in die eerste plek nie ’n webwerf te kry nie.).

 

Soos genome in die inleiding daar is 200 faktore wat soekenjins in ag neem. Om bondig te bly gaan ons die mees belangrikste faktore hier kortliks uitlig.

 

Voor ons die belangrikste faktore uitlig wil ons noem dat hierdie ook die basiese beginsels is en miskien is die mees belangrikste faktor wat suksesvolle webwerwe van nie suksesvolle webwerwe onderskei dat die basiese goed reg gedoen word.

 

Hierdie basiese goed sluit in:

 

  • Gebruik die woorde waarvoor jy graag gevind wil word in jou webwerf.
  • Gebruik hierdie basiese belangrike woorde in die inleidende paragrawe van jou belangrikste bladsye.
  • Die keuse van ’n domein naam kan ‘n positiewe invloed op soekresultate hê.
  • Gebruik belangrike sleutelwoorde in opskrifte byvoorbeeld die opskrif van ‘n nuusbrief
  • Gebruik altyd jou eie inligting
  • Wees realisties en bestudeer die webwerwe van jou kompetisie en doien ten minste dieselfde hoeveelheid werk wat betref jou webwerf se inhoud
  • Gebruik die gratis dienste van Google soos Google my business en Google Webmaster Tools
  • Onthou ‘n webwerf kan op ander maniere as deur soekenjins bemark word soos byvoorbeeld ‘n advertensie op jou motorvoertuig of in koerantadvertensies

 

Hierdie basiese goed is ook eenvoudige logika. Mense verwag dikwels ‘n duur of komplekse antwoord wanneer hulle wil verstaan hoe om ‘n suksesvolle webwerf daar te stel. Die eerste deel van ons “komplekse antwoord” is om die basiese goed, goed te doen.

 

Dit help om dinge anders en uniek te probeer doen soos ons byvoorbeeld hierdie webwerf in Afrikaans doen.

 

Goed soos ‘n blog of foto galery behoort deel uit te maak van jou basiese webwerf se teks en beplanning en so ook die veelgestelde vrae afdeling van jou webwerf.

 

Of jy dit nou beskou as ’n basiese element van jou webwerf of ‘n meer gevorderde ontwikkelings element van jou webwerf ontwikkel ‘n gereelde blog artikel , op jou webwerf, is een faktor wat jou webwerf kan onderskei van die van jou kompetisie.

 

Fotos op jou webwerf bide vir jou die ideale geleentheid by gebrek aan woorde om jou besigheid en jou produk of dienste te kan beskryf. Die klem behoort te wees op die beskrywings wat jy by die fotos kan plaas en om liewers minder maar goeie kwaliteit fotos te gebruik wat behoorlik omskryf is as honderde fotos. Mense vermaak hulleself daagliks met honderde fotos op sosiale media.

 

Vir meeste sake eienaars is dalk die beste stukkie raad om die regte webwerfontwerp maatskappy te kies. Vra jou voornemende webwerfontwerper om vir jou verwysings en voorbeelde te gee van hul kliënte se webwerwe wat wel suksesvol is.

 

Ons glo jy het ons waarskynlik deur soekenjins gevind. Indien ons dit vir onsself kan doen kan jy dieselfde bereik met ons sagteware en leiding.


Terug Terug na bo